Maqolalar

Bosh sahifa » Maqolalar » She'rlar
Bir kelib ketgin
Yulduzlardan sog'inchim bisyor,
Dardim kuyga sololmaydi tor,
Senga bitta iltimosom bor,
Sezdirmasdan bir kelib ketgin.

Alamlarni bag'ringga bosib,
Huu... ko'klarga g'ururni osib,
Tuproq bo'lgan qadrni bosib,
Egilmasdan bir kelib ketgin.

Nozli yorim holimizni bilmadilar,
Hol so'ray deb bir ko'rinish qilmadilar.
Sog'indilar, tush ko'rdilar biz oshiqni,
Ammo hayo sababindab kelmadilar.

Yaqin qilib yiroqlarimni,
Intiq qilmay nigohlarimni,
Kechirilmas gunohlarimni,
Kechirmasdan bir kelib ketgin.

To'rt tomon ham gullar bilan tulib toshgan,
Gulchehra yor visoliga ko'ngil shoshgan.
Biz mushtoqni ko'ray debon hohi Toshkan,
Hohi mashriq tarafindan kelmadilar.

Olloh yo'ling qilsin behatar,
Armon sendan qolsin behabar,
O'tinaman... o'tinaman hech yo'q shu safar,
Kechikmasdan bir kelib ketgin.

Bunday go'zal parimi yo paykal bo'lur,
Yoki malak kipriklari hanjar bo'lur.
Kelsa go'yo Malakligi oshkor bo'lur,
Parizodlik nasabindan kelmadilar.

Ostonamdan o'chgandi izing,
O'chgan eding tiliklarimdan,
Va men seni yuraklarimdan,
O'chirmasdan bir kelib ketgin.

Ishqimizni yolg'onlarga yo'yubdilar,
Ohiri yo'q sog'inchlardan to'yibdilar.
Kuta-kuta unutdilar, qoyibdilar,
Unutmoqlik sababindan kelmadilar.

Holim etmas boshqa hijronga,
Sen yaxshisan raxm et yomonga,
Men ham borsa kelmas tomonga,
Ketmasimdan bir kelib ketgin.
Turi: She'rlar | Добавил: Tasanno_admin (23.04.2011)
Ko'rildi: 2957 | Izohlar: 1 | Teglar: бир келиб кетгин, bir kelib ketgin | Reyting: 1.8/4
Barcha izohlar: 1
0  
1 Tasanno_admin   (23.04.2011 1:09 PM) [Maqola]
http://my.mail.ru/cgi-bin....5674641 - MP3 mana bu manzilda.

Faqat registratsiyadan o'tgan foydalanuvchilar izoh qoldirishlari mumkin.
[ Registratsiya | Kirish ]