Sendan nima qoldi
Sendan nima qoldi ?
Shirin xotira,
Ishqingning daryoday quyilganligi,
So'ngra daryo qurib, qalb xaritasi
Orol dengizidek o'yilganligi. Sendan nima qoldi ?
Achchiq xotira,
Dilingga dilimning mangu zorligi.
Quyoshsiz osmonday huvillagan qalb,
Sevib, sevilmoqning juda kechligi... Sendan nima qoldi ?
Quruq xotira,
Quvonchning motami, o'kinchning tig'i.
Sening o'zing kabi chehrasi nigun,
Mayin tabassumga o'ralgan yig'i. Sendan nima qodi ?
Yorqin xotira,
Hasratli umrimning yoniq shamlari.
Gar o'lsam go'rimdan tik turg'azuvchi
Barcha baxtsizlarning ulkan g'amlari...
|
| Turi: She'rlar | Добавил: Emerald (02.02.2010)
|
| Ko'rildi: 686
| Teglar:
| Reyting: 0.0/0 |
Faqat registratsiyadan o'tgan foydalanuvchilar izoh qoldirishlari mumkin.
[
Registratsiya |
Kirish ]
