Poyimgizda hor bo’lgan,

Bag’ringizda tor bo’lgan,

Mehringizga zor bo’lgan,

U mening qalbim edi.

Arzonlarga sotdingiz,

Bozorlarda Tortdingiz,

Yana toshlar otdingiz,

U mening qabrim edi.

Yolg’onlarga almashgan,

Sevaman deb aldashgan,

Sizni tanlab adashgan,

U mening baxtim edi.

Falaklarga sachradi,

Yomonlardan charchadi,

Mudom sizga uchradi,

U mening dardim edi.

Yurak qonimdan tushgan,

Keyin dillarni quchgan,

Qo’llarimdan suv ichgan,

U mening sabrim edi

Oshiq shoir ko’z ilgan,

Avval ham ko’p qazilgan,

Muhabbat deb yozilgan,

U mening qabrim edi.